Парашэнка запрасіў Цімашэнку ў сваю каманду
13- 1.04.2014, 20:49
- 20,897
Пётр Парашэнка перакананы: пасля перамогі на выбарах прэзідэнта ў яго камандзе будзе працаваць нават галоўны канкурэнт - Юлія Цімашэнка.
Пра гэта ён заявіў у студыі «Свабоды слова», паведамляе ICTV.
«Я гатовы да дэбатаў з усімі. Але ў першую чаргу Украіна мае патрэбу ў дэбатах не з асобамі, а ў дэбатах што да праграмы развіцця. Юлія Цімашэнка, Пётр Парашэнка - кожны на сваім месцы прыклалі велізарныя сілы, каб зрынуць папярэднюю ўладу», - сказаў ён.
«З Юліяй Уладзіміраўнай мы не мелі ў мінулым і я перакананы не будзем мець у будучыні супярэчнасцяў. Калі мы цяпер і з'яўляемся апанентамі, то толькі ў выбарчым паняцці», - сказаў Парашэнка.
«Пасля прэзідэнцкіх выбараў я ахвотна запрашу Юлію Уладзіміраўну у сваю каманду. Я перакананы, мы будзем працаваць разам», - дадаў ён.
Нагадаем, паводле звестак сацапытання, якое правялі Соцыс, КМІС, Рэйтынг і Цэнтр Разумкова, 24,9% апытаных грамадзян падтрымалі б кандыдатуру пазафракцыйнага народнага дэпутата Пятра Парашэнкі на выбарах прэзідэнта. На другім месцы Віталь Клічко - 8,9%. Тройку лідараў замыкае лідар Бацькаўшчыны Юлія Цімашэнка з 8,2%.
Прэзідэнцкія выбары ва Украіне пройдуць 25 траўня.
Фота: УНІАН