Мытны саюз пераходзіць на «Алтын»
178- 10.04.2014, 12:19
- 133,012
Новую валюту абяцаюць на працягу трох гадоў.
У абарот краін-удзельніц Мытнага саюза ўвойдзе новая валюта - Алтын. Стварыць яе планавалася да 2025 года, але, як перадае тэлеканал Life News, увядзенне міжнародных эканамічных санкцый супраць Расеі краінамі Захаду і ЗША можа істотна паскорыць гэты працэс, скараціўшы яго да 3-5 гадоў.
У траўні кіраўнікі Расеі, Казахстана і Беларусі падпішуць дамову аб стварэнні з 2015 года Еўразійскага эканамічнага саюза (ЕАЭС), які стане своеасаблівым адказам Еўразвязу. Да новай фінансава-эканамічнай прасторы можа далучыцца Кыргызстан, Арменія і Таджыкістан.
Ідэю аб стварэнні адзінай валюты, ініцыятарам якой стаў прэзідэнт Казахстана Нурсултан Назарбаеў, у 2012 годзе падтрымаў расейскі лідар Уладзімір Пуцін.
У праекце саюза мяркуецца і стварэнне наднацыянальнага мегарэгулятара адзінай валюты - Еўразійскага цэнтрабанка, які будзе жорстка падпарадкоўвацца савету з прэзідэнтаў або прэм'ераў дзяржаў ЕАЭС.
