Жырыноўскага і сотню расейскіх чыноўнікаў не пусцяць ва Украіну

Больш чым 100 грамадзянам Расейскай Федэрацыі, якія падтрымалі рашэнне Пуціна аб ваеннай анэксіі Крыма, забаронены ўезд на тэрыторыю Украіны.

Пра гэта Служба бяспекі Украіны паведаміла народнаму дэпутату Аляксандру Брыгінцу ў адказ на яго зварот, піша obozrevatel.com.

"Сярод тых, каму забаронены ўезд ва Украіну: памочнік Пуціна Сяргей Глазьеў, віцэ-спікер Дзярждумы РФ Уладзімір Жырыноўскі, член камітэта Дзярждумы РФ па пытаннях абароны і давераная асоба прэзідэнта РФ Віктар Вадалацкі і іншыя высокапастаўленыя службовыя асобы РФ, якія маюць дачыненне да яго прыняцця", - распавёў Брыгінец.

Па словах СБУ, прыняць рашэнне аб забароне ўезду ва Украіну прэзідэнту РФ Пуціну і ўсім дэпутатам Савета Федэрацыі ў цяперашні час лічыцца заўчасным, паколькі яно патрабуе дадатковай апрацоўкі, у тым ліку на пасяджэнні СНБА, МЗС і парламента Украіны.