Яцанюк: Новая Канстытуцыя павінна быць апублікаваная да выбараў
2- 11.04.2014, 16:07
- 4,934
Прэм'ер-міністр Украіны Арсеній Яцанюк заяўляе пра неабходнасць апублікавання новай рэдакцыі Канстытуцыі да 25 траўня - пазачарговых прэзідэнцкіх выбараў.
"Лічу неабходным, менавіта перад прэзідэнцкімі выбарамі апублікаваць, якая будзе рэдакцыя новай украінскай Канстытуцыі", - заявіў прэм'ер у ходзе сустрэчы з актывам Днепрапятроўскай вобласці ў пятніцу, перадае "Интерфакс-Украина".
Яцанюк падкрэсліў, што ўсе палітычныя сілы павінны не проста задэклараваць, а падпісаць новы праект Асноўнага закона.
"Каб не адбылося так, што новы прэзідэнт будзе спрабаваць перапісаць Канстытуцыю пад сябе", - дадаў прэм'ер.
Нагадаем, 21 лютага Вярхоўная Рада Украіны вярнула Канстытуцыю 2004 года, якая істотна абмяжоўвае паўнамоцтвы прэзідэнта.