На «Славянскім базары» будзе Дзень Кітая
24- 11.04.2014, 17:29
- 8,404
Амбасадар Кітая ў Беларусі Цуй Цымін прапанаваў правесці на «Славянскім базары ў Віцебску» Дзень Кітая.
Такую прапанову ён выказаў сёння на сустрэчы са старшынёй Віцебскага аблвыканкама Аляксандрам Косінцам, перадае карэспандэнт БелТА.
«У гэтым годзе ўдзел у форуме па запрашэнні Дырэкцыі фестывалю возьме адзін з нашых лепшых калектываў сучаснай харэаграфіі. Можна было б на наступным «Славянскім базары» арганізаваць Дзень Кітая», - прапанаваў Цуй Цымін.
Ён падкрэсліў, што гэты «форум шырока вядомы ў Кітаі, а Віцебская вобласць дзякуючы яго правядзенню карыстаецца вялікай папулярнасцю».
Нагадаем, у 2014 годзе плануецца змяніць фармат правядзення конкурсаў на «Славянскім базары ў Віцебску».