Каля зенітнай часткі ў Чарнігаўскай вобласці затрымалі дыверсанта
9- 12.04.2014, 12:17
- 11,228
Дыверсант быў затрыманы мясцовымі вайскоўцамі і праваахоўнікамі.
У пятніцу ўвечары, 11 красавіка, паблізу размяшчэння аднаго з падраздзяленняў зенітнай ракетнай часткі, што ў Чарнігаўскай вобласці, вайскоўцы затрымалі дыверсанта, паведамляецца на сайце Міністэрства абароны Украіны 12 красавіка.
«Пад 18.20 на мабільны тэлефон аднаго з афіцэраў прыйшоў ананімны тэлефонны званок з паведамленнем, што паблізу ад аднаго з зенітных ракетных падраздзяленняў знаходзіцца невядомая асоба, якая назірае за размяшчэннем падраздзялення і вядзе яго здымку на мабільны тэлефон», – гаворыцца ў паведамленні.
Мужчына, які назваўся Сяргеем Ю. (1976 г.н.), быў затрыманы афіцэрам часці Узброеных сіл Украіны і праваахоўнікамі.
Раней паведамлялася, што дыверсійныя групы, якія спрабавалі ставіць пазнакі для вядзення зенітнага агню, былі затрыманыя СБУ ў Херсонскай вобласці.