Жыхары Славянска ўступаюць у сутычкі з баевікамі (Відэа)

У Славянску Данецкай вобласці час ад часу ўзнікаюць сутыкненні паміж мясцовымі жыхарамі і ўзброенымі сепаратыстамі.

Людзі не разумеюць, навошта ў горадзе з'явіліся прарасейскія радыкалы. У сепаратыстаў пытаюцца пра тое, хто будзе абараняць жыхароў горада, калі здарыцца нейкая бяда. Пры гэтым баевікі заклікаюць усіх адысці ад аддзела міліцыі, інфармуе Цэнзар НЕ.

Таксама варта адзначыць, што на месцы прысутнічае мэр Славянска Нэлі Штэпа. Мэр папрасіла не правакаваць узброеных людзей у камуфляжы, каб пазбегнуць боек.