Мясніковіч: Суботнік - не панацэя ад безгаспадарлівасці

Прэм'ер-міністр Міхаіл Мясніковіч назваў сённяшні добраахвотна-прымусовы суботнік добрай савецкай традыцыяй, якую не хацелася б страціць.

Ён таксама адзначыў, што суботнік ніколі не стане панацэяй ад безгаспадарлівасці.

Мясніковіч мяркуе, што беларусам варта выкараніць у сабе ўтрыманскія падахвочванні і не чакаць, што хтосьці зробіць замест іх працу, якую яны павінны рабіць самі.

«Людзі павінны добрасумленна ставіцца да выканання тых работ, якія ім даручаны, і, безумоўна, павінны не толькі сваё жыллё, але і месцы агульнага карыстання ўтрымліваць у належным стане», - адзначыў Міхаіл Мясніковіч.

Прэм'ер падкрэсліў, што калі насельніцтва будзе больш адказна ставіцца да сваёй справы «менш будзе забітых ільнозаводаў і мясакамбінатаў, пра якія казаў напярэдадні кіраўнік дзяржавы».