Зніжкі па-беларуску: было 12 900, стала 13 900

Менская крама здзівіла пакупнікоў.

Здзіўленне наведвальнікаў выклікала зніжка, усталяваная на піва «Баброў» у «Еўрагандлі» на вуліцы Кальварыйскай беларускай сталіцы. Пра гэта сайту charter97.org паведаміў чытач, які даслаў у рэдакцыю фота цэнніка. У выніку «зніжкі» кошт паўтаралітровай бутэлькі піва не знізіўся, а, наадварот, вырас. Калі раней яна прадавалася па 12 900 рублёў, то новы кошт склаў 13 900.

Крамы сталіцы не ў першы раз прапануюць тавар са «зніжкамі», якія чамусьці павышаюць яго кошт.