Кіраўніка СБУ Данецкай вобласці адправілі ў адстаўку
7- 12.04.2014, 17:39
- 10,723
Аляксандр Турчынаў вызваліў Валерыя Іванова ад пасады начальніка СБУ ў Данецкай вобласці.
Пра гэта гаворыцца ва ўказе в.а. кіраўніка дзяржавы №397/2014, паведамляе «Карэспандэнт».
«Вызваліць Іванова Валерыя Юр'евіча ад пасады начальніка Упраўлення Службы бяспекі Украіны ў Данецкай вобласці», - гаворыцца ва ўказе Аляксандра Турчынава.
У суботу, 12 красавіка, у Данецку была здзейсненая спроба захопу будынка абласной пракуратуры. Некалькі дзясяткаў прарасейскіх актывістаў змаглі трапіць у будынак, але практычна адразу на месца прыбылі ўзмоцненыя атрады міліцыі і ўнутраных войск.Пракуратура вобласці пачала расследаванне.
Таксама сёння ўзброеныя людзі ў камуфляжы захапілі гарадскі аддзел міліцыі Славянска Данецкай вобласці. Са слоў праваахоўнікаў, падчас захопу нападнікамі быў выкарыстаны слезацечны газ. Паведамляецца, што на будынку гарадскога аддзела вывешаны сцяг Расеі і Народнага апалчэння Данбаса. Вакол будынка ўзводзяць барыкады з шын, драўляных шчытоў і мяшкоў з пяском. Пад кантролем знаходзіцца і будынак СБУ.
Узброеныя людзі знаходзяцца і ў гарадскім аддзеле міліцыі Чырвонага Лімана.