Жыхары Днепрапятроўска стварылі «ланцуг адзінства» (Відэа)
2- 12.04.2014, 19:24
- 8,295
Акцыя ў падтрымку адзінства Украіны прайшла сёння ў Днепрапятроўску.
Больш за паўтысячы патрыятычна настроеных жыхароў горада ўтварылі "Ланцуг яднання". Людзі рознага ўзросту сталі ў шэраг уздоўж вуліцы Чкалава, насупраць аблдзяржадміністрацыі, узяліся за рукі і праспявалі Дзяржаўны гімн Украіны, - паведамляе Радыё Свабода.
Сваю вопратку ўдзельнікі акцыі ўпрыгожылі жоўта-блакітнымі стужкамі, у руках яны трымалі дзяржаўныя сцягі і плакаты з надпісамі "задушым Пуціна ланцугом адзінства", "Расея - імперыя зла" і іншыя. Дзяўчыны надзелі на галовы вянкі, некаторыя намалявалі на твары жоўта-блакітны сцяжок.
"Мы ўтварылі жывы ланцуг з свядомых украінцаў, каб прадэманстраваць усім мінакам, хто яшчэ не вызначыўся, што Украіна адзіная, што яна знаходзіцца ў тых жа тэрытарыяльных межах, што і месяц, і два назад", - сказаў каардынатар днепрапятроўскага Еўрамайдану Віктар Раманенка.