Пад Палтавай затрымалі 70 чалавек з «кактэйлямі Молатава»
7- 12.04.2014, 20:03
- 17,130
У Палтаўскай вобласці супрацоўнікі міліцыі спынілі блізу дзесяці аўтобусаў, якія рухаліся ў напрамку Харкаўскай вобласці.
Падчас праверкі пасажыраў былі выяўленыя сродкі, якія выкарыстоўваюцца пры арганізацыі масавых беспарадкаў. Пра гэта паведамляе прэс-служба Ўправы МУС у Палтаўскай вобласці, паведамляе РБК-Украіна.
Сярод іншага, у пасажыраў аўтобусаў былі знойдзеныя «кактэйлі Молатава» у скрынях, вялікая колькасць выбуховых пакетаў, пікі, біты, дубінкі, шчыты, шаломы, нажы і іншая халодная зброя. Паводле паведамлення, блізу 70 чалавек былі затрыманыя і яны даюць тлумачэннi следчым. На месцы падзеі працуюць следча-аператыўныя групы. Работнікі міліцыі ўсталёўваюць, адкуль, куды і з якой мэтай накіроўваліся людзі з такой колькасцю халоднай зброі, выбухоўкі і спецсродкаў.
Нагадаем, сёння з'явіліся паведамленні аб захопе расейскімі дыверсантамі адміністрацыйных будынкаў у некаторых гарадах Данецкай вобласці.
Фота: zn.ua