Акупанты забілі афіцэра ўкраінскай «Альфы»
27- 13.04.2014, 15:08
- 51,416
Сталі вядомыя страты ўкраінскіх праваахоўнікаў падчас контртэрарыстычнай аперацыі ў Славянску.
Паводле звестак крыніцы "Цензор.НЕТ" у Службе бяспекі Украіны падчас антытэрарыстычнай аперацыі ў Славянску ўправа «А» СБУ панесла баявыя страты: 1 супрацоўнік загінуў, 1 цяжка паранены і 2 лёгка параненыя. Загінулы супрацоўнік - з палтаўскай управы «А», параненыя - з Кіева.
Паранены начальнік антытэрарыстычнага цэнтра СБУ Кузняцоў. Намеснік начальніка ўправы Дубовік атрымаў цяжкае раненне - куля прабіла лёгкае.
Група супрацоўнікаў управы «А» была раптам абстраляная з аўтаматычнай зброі дыверсійнай групай праціўніка. Па тых, хто нападаў, адкрыты агонь у адказ. Параненыя эвакуяваныя.
Нагадаем, учора раніцай горад быў захоплены разведвальна-дыверсійнай групоўкай з Расеі. Сёння ўкраінскі спецназ праводзіць аперацыю вызвалення Славянска.
Фота: elise.com.ua