Жыхары Луганску выйшлі на мітынг за адзіную Украіну
2- 13.04.2014, 16:05
- 11,479
Нягледзячы на захоп баевікамі будынкаў у цэнтры Луганску, яго жыхары праводзяць акцыі ў падтрымку адзінства краіны.
У Вербніцу яны правялі мітынг пад лозунгам «Луганск - гэта Україна». У мітынгу ўзялі ўдзел сотні жыхароў абласнога цэнтра. Людзі стаялі пад праліўным дажджом з украінскай сімволікай і дзяржаўнымі сцягамі. Мітынг прайшоў без правакацый.
У лагеры сепаратыстаў ля захопленага ўзброенымі асобамі будынка ўправы СБУ таксама пакуль усё спакойна. Паводле непацверджанай інфармацыі, у захопленым будынку знаходзяцца амаль сотня чалавек.
Напярэдадні намеснік кіраўніка адміністрацыі Прэзідэнта Андрэй Сенчанка заявіў: «Мы не здадзім ні пядзі ўкраінскай зямлі ў Данецкай і Луганскай абласцях. Наша мэта пазбегнуць ахвяр сярод мірных жыхароў, якімі бандыты прыкрываюцца як жывым шчытом».
Нагадаем, прарасейскія баевікі захапілі будынак СБУ ў Луганску 6 красавіка..