Пётр Парашэнка: 80% украінцаў падтрымліваюць антытэрарыстычную аперацыю
11- 13.04.2014, 16:15
- 17,132
Большасць украінцаў патрабуюць рашучых дзеянняў супраць замежных дыверсантаў.
Узброеныя асобы, якія захапілі будынка міліцыі і СБУ ў Славянску, і супраць якіх праводзіцца контртэрарыстычная аперацыя, - гэта спецназ з расейскай разведвальна-дыверсійнай групы. Пра гэта заявіў нардэп, кандыдат у прэзідэнты Украіны Пётр Парашэнка на прэс-канферэнцыі ў Луцку, паведамляе УНІАН. Таксама палітык заявіў, што больш за 80% жыхароў усходніх рэгіёнаў Украіны выступаюць супраць сепаратызму.
«У Славянску мы ўжо маем справу з прадстаўнікамі рэгулярнай часткі спецназа разведвальна-дыверсійных груп іншай дзяржавы», - сказаў Парашэнка.
Ён адзначыў, што сітуацыя, якая склалася ў Славянску, карэнным чынам адрозніваецца ад таго, што было нядаўна ў Харкаве. Парашэнка таксама падкрэсліў, што ў СНБА Украіны былі ўсе падставы для правядзення антытэрарыстычнай аперацыі. Палітык распавёў, што ў антытэрарыстычнай аперацыі ў Славянску задзейнічаны спецназ СБУ і падраздзяленні армейскага спецназа.
Са слоў Парашэнкі, пастанова СНБА грунтуецца на тым, што дзеянні сепаратыстаў на ўсходзе Украіны, у тым ліку і ў Славянску - гэта не палітычная акцыя. Ён таксама адзначыў, што паводле гэтых выбарчых штабоў ва ўсходніх рэгіёнах, больш за 80% людзей падтрымліваюць сілавую нейтралізацыю сепаратыстаў і не падтрымліваюць сепаратызм.
Нагадаем, у Славянску працягваецца спецаперацыя супраць тэрарыстаў, якія захапілі горад.