Запарожцы ў Луганску патрапілі ў закладнікі да тэрарыстаў

Напачатку гэтага тыдня ў Луганск прыехалі некалькі жыхароў Запарожскай вобласці, якія настроены прарасейскі.

Сярод іх - Аляксей Прохараў, жыхар Запарожжа, і Астап Чорны, жыхар Энэргадара, член прарасейскай арганізацыі «Казацкае войска Запарожскае Нізавое», піша мясцовае выданне «Голас Запарожжа».

Цяпер гэтыя два чалавекі знаходзяцца ў ліку тых, хто захапіў і ўтрымлівае будынак СБУ. Вядома, што пасля рэакцыі сілавікоў на захоп будынка (прыхільнікам федэралізацыі Украіны, якія арганізавалі гэтую аперацыю, пагражае да 10 гадоў турмы), частка захопнікаў паспрабавалі пакінуць будынак і здацца ўладам, каб паменшыць сваю віну і атрымаць амністыю. Але арганізатары акцыі пад. пагрозай расстрэлу перакрылі адступнікам выхады з будынка, раззброілі і да цяперашняга моманту ўтрымліваюць як закладнікаў.

Гэтую інфармацыю неафіцыйна пацвердзілі крыніцы ў луганскіх сілавых структурах. Таксама пацвердзілася інфармацыя, што Астап Чорны і Аляксей Прохараў уваходзяць у лік гэтых закладнікаў. На гэты момант іх лёс застаецца невядомым.

Як жа патрапілі запарожцы ў Луганск? Журналісты высветлілі, што іх адвёз на сваім аўто сумна вядомы сувязямі з крыміналітэтам чорны піяршчык Арцём Цімчанка. Не вядома, што абяцаў двум мужчынам правакатар, аднак кампетэнтныя крыніцы сцвярджаюць, што абодва запарожцы з'ехалі ў Луганск з ім. Гэта пацвярджае і відэазапіс з адной з заправак, дзе Цімчанка аплачваў запраўку аўтамабіляў, якія ехалі ў Луганск.

Вярнуўся ж піяршчык сам. На чые грошы гэты чалавек вывозіў людзей на бойню - невядома, бо ён сам пазычыў буйныя сумы грошай. За апошні год Арцём Цімчанка прайграў некалькі судовых спраў за распаўсюд непраўдзівай інфармацыі і паклёп, але прадпісаныя судом сумы кампенсацыі пацярпелым так і не выплаціў. Такім чынам, цяпер чорны піяршчык вельмі мае патрэбу ў грошах. Дайшло да таго, што паводле выраку суда праз запазычанасці Цімчанку забаронена пакідаць межы Украіны.

Адметна тое, што сам Арцём Цімчанка ўдзелу ў незаконным захопе не браў і кінуўшы «таварышаў» у Луганску, шчасна вярнуўся ў Запарожжа.

Вынік гісторыі пакуль невядомы. Двое запарожцаў працягваюць утрымлівацца ў закладніках у захопленым будынку Луганскага УСБУ. Арцём Цімчанка, які прывёз гэтых людзей у Луганск, і, відавочна, небескарысліва, вярнуўся ў горад і не выключана, што працягне сваю дзейнасць. Бо ў Запарожжы ёсць людзі, якія прытрымліваюцца ідэй федэралізацыі, і не выключана, што бліжэйшымі днямі правакатар працягне вербаваць сярод іх ідэйных «добраахвотнікаў», якія неўзабаве таксама патрапяць у закладнікі і, магчыма, пападуцца. Пры гэтым, хтосьці добра запрацуе на іх здароўі і свабодзе.

Сёння ў сетцы з'явіўся відэазварот маці аднаго з жыхароў Запарожжа, які ўдзельнічаў у захопе будынка СБУ ў Луганску, - Аляксея Прохарава. Жанчына не можа стрымаць слёз і просіць сына вярнуцца дадому.