Жыхары Палтавы сарвалі акцыю сепаратыстаў
36- 13.04.2014, 20:23
- 102,214
Праўкраінскія актывісты Палтавы сарвалі мітынг у падтрымку федэралізацыі.
Ён павінен быў прайсці ў горадзе сёння а 16.00. Блізу тысячы людзей з украінскімі сцягамі і транспарантамі тыпу "Федерасти гэць!" і "Полтаве нравітя буть Украіною", сталі ў цэнтры горада насупраць мемарыяльнага комплексу салдацкай славы дзе і павінна была адбыцца акцыя прыхільнікаў федэрацыі, піша gazeta.ua.
Аднак акрамя украінцаў да комплексу ніхто не прыйшоў. Людзі прастаялі паўгадзіны, пасля чаго пачалі разыходзіцца.
"Дзякуй усім, хто адгукнуўся і прыйшоў. Палтаўцы гатовыя ў выпадку патрэбы абараняць свой край і Украіну. Як будзе трэба падрыхтуем кулі і возьмем у рукі зброю. Аднак спадзяемся, што гэта рабіць нам усё ж не давядзецца", - звярнуўся да прысутных Пётр Варона, старшыня палтаўскага аблсавету.
Калі значная частка палтаўцаў разышлася, да мемарыяла падышлі пяцёра прыхільнікаў федэралізацыі. Аднак, убачыўшы гэта праўкраінскі актывісты вярнуліся і прагналі іх, скандуючы: "Чамадан-вакзал-Расея".