«Фэйсбук» плануе запусціць сваю валюту

Сацыяльная сетка працягвае экспансію на нязвыклыя для IT-кампаніі рынкі.

«Фэйсбук» плануе выйсці на новы для сябе рынак, стаўшы, акрамя найбуйнейшай сацыяльнай сеткі, яшчэ і інтэрнэт-банкам, перадае ТСН.

Па паведамленні The Financial Times, сацсетцы засталося ўсяго некалькі тыдняў да атрымання ўхвалы ад дзяржаўнага рэгулятара Ірландыі, што дазволіць карыстачам «Фэйсбука» купляць і перадаваць новую «Фэйсбук»-валюту.

Акрамя таго, дазвол Ірландыі, якая з'яўляецца членам ЕЗ, дазволіць памяняць «Фэйсбук»-валюту на еўра, а таксама, хутчэй за ўсё, стане масава выкарыстоўвацца для анлайн-купляў.