Баевікі ўчынілі суд Лінча над кіраўніком міліцыі Горлаўкі
29- 14.04.2014, 16:25
- 33,835
За адмову перайсці на бок сепаратыстаў галоўнага міліцыянта білі ўсім, што пад руку траплялася - дубінкамі, жалезнымі прутамі.
У літаральным сэнсе слова ўчынілі суд Лінча. Лекары хуткай ледзь адбілі палкоўніка. Але пратэстоўцы не адставалі і пачалі разгойдваць машыну, патрабуючы выдаць апальнага міліцыянта. Мітынгоўцы патрабавалі паставіць яго на калені. Зрэшты, праз 15 хвілін карэце «хуткай» атрымалася выехаць.
«Цяпер Андрэй Яўгенавіч убальніцы. Наколькі сур'ёзныя траўмы ён атрымаў, я пакуль удакладніць не магу», - адзначыла прэс-сакратар Горлаўскага гарупраўлення міліцыі Ала Баравая.
Вядома, што палкоўніку Андрэю Крышчанку 41 год, 22 гады з якіх ён служыць у міліцыі. 1 красавіка гэтага года яго прызначылі в.а. начальніка ўпраўлення.
Хто яшчэ пацярпеў пакуль невядома, - у міліцыі яшчэ падлік страт не праводзілі. Зараз супрацоўнікі гараддзела працягваюць заставацца ў двары занятага сепаратыстамі будынка.