У Горлаўцы сепаратысты выкрадаюць журналістаў
3- 14.04.2014, 17:19
- 5,016
На рэдакцыю інтэрнэт-выдання Gorlovka.ua напалі тэрарысты, сайт СМІ да гэтага часу не працуе.
У рэдакцыю Gorlovka.ua уварваліся людзі ў масках і сілай вывелі пад рукі галоўнага рэдактара. Пра гэта рэдакцыя выдання паведаміла на афіцыйнай старонцы "Вконтакте".
Сёння, каля 11-й гадзіны ў рэдакцыю сайта Gorlovka.ua і газеты "Криминал-Экспресс" уварваліся актывісты ў масках. Сямёра мужчын бесцырымонна пад рукі выпіхнулі галоўнага рэдактара выдання з кабінета і павезлі ў невядомым кірунку. Праца рэдакцыі блакаваная, таксама не працуе сайт, піша УНІАН.
У закладнікі галоўнага рэдактара ўзялі баевікі за тое, што "нібыта знайшлі на яго сайце абразлівыя для іх словы: "сепаратысты" і "тэрарысты".