Карабель ВМС ЗША зменіць эсмінец «Дональд Кук» у Чорным моры
- 14.04.2014, 19:04
- 6,970
Да пятніцы ў акваторыі будзе знаходзіцца карабель «Дональд Кук», затым прыйдзе іншае судна.
Пра гэта заявіў прэзідэнт Румыніі Траян Басэску, паведаміў брытанскі тэлеканал ITV. Ён асабіста наведаў эсмінец «Дональд Кук», які зайшоў з візітам у румынскі порт Канстанца, паведамляе «Інтэрфакс-Украіна».
Амерыканскі эсмінец возьме ўдзел у сумесных з румынскімі караблямі вайсковых вучэннях. Са слоў прэзідэнта Румыніі, у Канстанцу з візітам таксама зайшоў французскі выведвальны карабель «Дупюі-дэ-Лом». Ён прыбыў у акваторыю Чорнага мора разам з «Дональдам Кукам».
У панядзелак у Чорнае мора павінен таксама ўвайсці французскі ракетны фрэгат «Дуплекс».