Украінцы просяць даць сваёй краіне статус саюзніка NАТO
9- 14.04.2014, 21:20
- 34,857
Украінскі кангрэсавы камітэт Амерыкі заклікае прыняць неадкладныя меры для захавання тэрытарыяльнай цэласнасці і суверэнітэту краіны.
Адпаведная заява апублікаваная арганізацыяй, паведамляе VIDIA.
«У апошнія некалькі дзён тэрытарыяльнай цэласнасці і суверэнітэту Украіны пагражае масавае нарошчванне расейскіх войскаў уздоўж усходняй мяжы Украіны і эскалацыя правакацый з боку спансаваных Расеяй груповак ва Украіне, - гаворыцца ў звароце. - Такія парушэнні міжнародных нормаў патрабуюць неадкладных дзеянняў. Як бастыён дэмакратыі ў свеце, Злучаныя Штаты павінны ўзяць на сябе ініцыятыву ў прасоўванні міжнародных нормаў і кансалідацыі геапалітычнай стабільнасці».
Украінскі кангрэсавы камітэт Амерыкі заклікае ЗША неадкладна падтрымаць місіі АБСЕ і ААН ва Усходнія і Паўднёвыя вобласці Украіны для маніторынгу сітуацыі на месцы і прадухілення правакацый, якія могуць прывесці да расейскай ваеннай інтэрвенцыі. Таксама падтрымаць арганізацыю неадкладных сумесных вучэнняў NАТО ва Украіне.
Сярод іншых патрабаванняў - просьба прадставіць Украіне статус саюзніка NАТО, што дазволіць атрымаць Украіне разнастайныя вайсковыя і фінансавыя прывілеі, якія цяпер недаступныя, у тым ліку пастаўкі зброі.
Нагадаем, віцэ-прэзідэнт ЗША Джо Байдэн здзейсніць візіт у Кіеў 22 красавіка.
Раней грамадскія актывісты ўкраінскай дыяспары Усходняй і Цэнтральнай Еўропы папрасілі NАТО ізаляваць Расею.