Сенчанка: СІЗА забітыя расейскай агентурай

У адміністрацыі прэзідэнта Украіны запэўніваюць, што робяць усё для затрымання агентаў Расеі.

Пра гэта заявіў у эфіры "5 канала" часова выконваючы абавязкі намесніка кіраўніка адміністрацыі прэзідэнта Украіны Андрэй Сенчанка.

"Сёння следчы ізалятар, прабачце, забіты ўжо агентурай, якая чатыры гады таму пад чужымі дакументамі, пад чужымі прозвішчамі ўкаранялася ва Украіне, у той час як Украіна не вяла ні тэрарыстычных, ні выведвальных дзеянняў на тэрыторыі Расеі", - сказаў Сенчанка.

Пры гэтым ён адзначыў, што гэта звязана з тым, што ўлада пры Віктары Януковічы "здала ўсе сілавыя структуры Расеі".