Тэрарысты ў Славянску скралі ў міліцыі тону бензіну

Бензін пайшоў на выраб «кактэйляў Молатава» проста ў будынку гараддзела міліцыі.

15 красавіка на апаратнай нарадзе выканаўчага камітэта Славянска Віктар Вінічэнка ад асобы ветэранаў памежных войскаў, афганцаў і казацтва выступіў з просьбай паспрыяць у забеспячэнні органаў МУС бензінам, каб забяспечыць патруляванне Славянска. Паводле яго слоў, тону бензіну, якая знаходзілася ў гарадскім аддзеле міліцыі, захопнікі будынка пусцілі на «кактэйлі Молатава», паведамляе мясцовае выданне slavgorod.com.ua.

"Там увесь гараддзел міліцыі ў такім паху, што калі нешта атрымаецца, выбух такі адбудзецца!" - распавёў Віктар Вінічэнка.

Па словах Віктара Вінічэнкі, ветэраны памежных войскаў, афганцы, прадстаўнікі казацтва разам з супрацоўнікамі МУС праводзяць сумеснае патруляванне ва ўсіх мікрараёнах горада.

Учора ўвечары быў на заторах (блок-пасты сепаратыстаў - заўв. сharter97.org), там людзі ў асобных месцах, у цэнтры ў асноўным з зброяй, а па перыметры - гэта людзі, якім рабіць няма чаго, вы мяне прабачце. Па-першае, у нецвярозым стане знаходзяцца. Калі гэтым людзям даць зброю, вы можаце ўявіць, што яны маглі рабіць. Разборкі могуць быць... Горы бутэлек", - заявіў прадстаўнік ветэранскіх арганізацый.