Балгарыя будзе купляць газ у Азербайджане

Балгарыя, практычна цалкам залежная ад паставак расейскага газу, разглядае магчымасць імпарту вуглевадародаў з Азербайджана.

Са слоў міністра эканомікі і энэргетыкі Балгарыі Драгаміра Стойнева, Сафія пільна сочыць за развіццём падзей на Украіне, якія могуць прычыніцца да перапынкаў у пастаўках расейскага газу, перадае BBC.

Раней Балгарыя дамовілася аб атрыманні з 2019 аднаго мільярда кубаметраў газу ў год з азербайджанскага радовішча Шах-Дэніз у Каспійскім моры.