Мінабароны абвяргае інфармацыю пра захоп бронетэхнікі ў Краматорску

У Міністэрстве абароны Украіны абвяргаюць інфармацыю, што ў Краматорску перамяшчаецца расейская бронетэхніка.

Там не пацвярджаюць таксама інфармацыю пра тое, што ўкраінскія БТРы захопленыя сепаратыстамі і расейскімі войскамі.

Пра гэта карэспандэнту УНІАН паведамілі ў прэс-службе Мінабароны.

Як адзначыў в. а. начальніка ўпраўлення друку і інфармацыі Багдан Сенік, фота і відэа, якія нібыта пацвярджаюць гэтыя факты, «з'яўляюцца фэйкам».

Ён дадаў, што на фотаздымках зацёртыя нумары на тэхніцы, а відэа знята зусім у іншым месцы.