Помнік Кабзону ў Данецку стаў сіне-жоўтым

Невядомыя пафарбавалі ў колеры нацыянальнага сцяга Украіны помнік спеваку Іосіфу Кабзону ў Данецку.

Пра гэта паведамляе мясцовае выданне «ОстроВ».

Нагадаем, сёння ў Данецку і Луганску пройдуць мірныя мітынгі за адзіную Украіну. У Данецку заклікаюць далучыцца да акцыі і лідараў краіны і ўсе палітычныя сілы. У Луганску, у прыватнасці, арганізатарамі мітынгу выступаюць рэктары чатырох ВНУ.