Тры тысячы жыхароў Данбаса паедуць паглядзець, як жывуць у ЕЗ

З Данецкай вобласці ў Еўропу адправяць тры тысячы чалавек.

Экскурсіі для жыхароў рэгіёну хоча арганізаваць губернатар Сяргей Тарута, каб паказаць ім еўрапейскія каштоўнасці і стандарты.

Як паведамляе тэлеканал Украина, да фінансавання праграмы маюць намер прыцягнуць прымаючы бок. Тарута запэўніў, што ўжо вядзе такія перамовы з урадамі Польшчы, Германіі і наогул Еўразвязам. Павінны дапамагчы і мецэнаты. Пачаць рэалізацыю праграмы плануюць ужо ў траўні. Першымі набірацца еўрапейскіх уражанняў адправяцца студэнты.