Камандзір «Беркута» спытаў у Пуціна, ці заўсёды Януковіч быў здраднікам

Пытанне прагучала падчас «прамой лініі» прэзідэнта Расеі.

Яго задаў палкоўнік Абісаў, камандзір крымскага «Беркута». Ён паскардзіўся на дэманстрантаў на Майдане Незалежнасці ў Кіеве і назваў былога прэзідэнта Украіны «слабаком і здраднікам».

«Нас палілі, закідвалі камянямі, стралялі. Але быў загад - не праліць кроў. Ну, потым нам здрадзілі. У мяне пытанне: вось вы даўно маеце зносіны з Януковічам. Ці заўсёды ён быў такім слабаком і здраднікам?» - спытаў ён.

Пуцін адказаў на пытанне былога ўкраінскага сілавіка.

«Януковіч казаў мне, што неаднаразова думаў пра ўжыванне сілы, але ў яго не паднялася рука падпісаць указ супраць сваіх грамадзян, - адказаў прэзідэнт Расеі. - Януковіч выконваў свой доўг, як лічыў патрэбным».

Пра тое, што на Майдане Незалежнасці былі забітыя больш сотні дэманстрантаў і камандзір «Беркута», і Пуцін аддалі перавагу не ўспамінаць.