Зона свабоднага гандлю Украіны з ЕЗ запрацуе 1 лістапада
- 17.04.2014, 15:15
- 3,542
Еўрапейскі Звяз гатовы запусціць Зону свабоднага гандлю з Украінай праз паўгода.
Пра гэта заявіў кіраўнік прадстаўніцтва ЕЗ ва Украіне Ян Тамбінскі на сустрэчы ўкраінскага ўрада з дзелавымі коламі, перадае УНІАН.
Паводле яго слоў, з 1 лістапада будзе працаваць зона свабоднага гандлю па тых жа прынцыпах, па якіх зараз адкрываецца для Украіны еўрапейскі рынак.
"Украінскім вытворцам дадуць магчымасць падрыхтавацца і палепшыць свае магчымасці на еўрапейскім рынку, і ўкраінскі рынак будзе паступова адкрывацца для еўрапейскіх тавараў", - сказаў Тамбінскі.
