Памежнікі папярэдзілі тэрарыстаў: Будзем страляць на паражэнне

Дзярпамежная служба Украіны перасцерагае грамадзян ад спробаў блакавання або захопу яе падраздзяленняў.

Паводле паведамлення ведамства, у сувязі з апошнімі падзеямі, якія адбываюцца ва ўсходніх абласцях Украіны і распаўсюджваннем заклікаў адносна далейшых антыдзяржаўных пратэстных мерапрыемстваў, у тым ліку на дзяржаўнай мяжы, Дзяржаўная памежная служба яшчэ раз інфармуе, што дзяржаўная мяжа ахоўваецца ўзмоцнена і памежнае ведамства будзе дзейнічаць усімі магчымымі спосабамі для забеспячэння законнасці на дзяржаўнай мяжы. Сёння ўсе памежныя падраздзяленні падрыхтаваныя да аховы і абароны сваіх аб'ектаў ад любой агрэсіі.

"Адзначаем, што тэрыторыі ваенных гарадкоў і падраздзяленняў, пункты пропуску з'яўляюцца тэрыторыямі пастоў. Адпаведна, у выпадку спробаў іх захопу або блакавання супрацоўнікі Дзяржаўнай памежнай службы будуць дзейнічаць рэагуючы на становішча і ў поўным аб'ёме выконваць пастаўленыя задачы. Пры неабходнасці, у адпаведнасці з дзеючым заканадаўствам Украіны і статутам Узброеных сіл Украіны, памежнікі будуць вымушаныя выкарыстаць агнястрэльную зброю", - сказана ў паведамленні.

У памежведамстве нагадваюць, што дзеянні па дэстабілізацыі сітуацыі на мяжы прадугледжваюць адміністрацыйную і крымінальную адказнасць. У прыватнасці, згодна з арт. 341 Крымінальнага кодэкса Украіны, дзеянні адносна перашкоды нармальнай працы прадпрыемстваў, устаноў і арганізацый караюцца арыштам на тэрмін да 6 месяцаў ці абмежаваннем або пазбаўленнем волі тэрмінам на 3 гады, а ўплыў у любой форме на работніка праваахоўнага органа з мэтай перашкоды выкананню ім службовых абавязкаў, у адпаведнасці з арт. 343 КК, караецца штрафам да ста мінімумаў даходаў грамадзян або папраўчымі работамі на тэрмін да аднаго года, або арыштам на тэрмін да 3 месяцаў. Наўмысныя ж дзеянні, учыненыя з мэтай змянення межаў тэрыторыі або дзяржаўнай мяжы Украіны ў парушэнне парадку, устаноўленага Канстытуцыяй Украіны, а таксама публічныя заклікі або распаўсюд матэрыялаў з заклікамі да здзяйснення такіх дзеянняў, могуць пацягнуць за сабой пазбаўленне волі на тэрмін да 12 гадоў.

Дзяржаўная памежная служба разлічвае на мудрасць жыхароў памежжа і прыняцце кожным узважаных рашэнняў.