Перамовы па Украіне ў Жэневе доўжацца больш за 4 гадзіны
1- 17.04.2014, 17:39
- 7,867
Чатырохбаковыя перамовы па Украіне ў Жэневе да гэтага часу працягваюцца.
Перамовы ў Жэневе паміж дзяржсакратаром ЗША Джонам Кэры, кіраўніком еўрапейскай дыпламатыі Кэтрын Эштан і кіраўнікамі МЗС Украіны і Расеі Андрэем Дзешчыцай і Сяргеем Лаўровым да гэтага часу працягваюцца, паведамляе акаўнт Дзярждэпа ЗША ў «Твітэры».
«Джон Кэры працягвае перамовы з кіраўніком МЗС РФ Лаўровым, кіраўніком еўрапейскай дыпламатыі Эштан і кіраўніком МЗС Украіны Дзешчыцай», - адзначае акаўнт Дзярждэпартамента ЗША.
Як нагадвае obozrevatel.com, у швейцарскай Жэневе ў чацвер, 17 красавіка, пачаліся чатырохбаковыя перамовы ў фармаце Украіна-Расея-ЗША-ЕЗ. Перамовы за «круглым сталом» пачаліся каля 13:00 па менскім часе.