Сустрэча адносна Украіны ў Жэневе доўжыцца ўжо сёмую гадзіну
11- 17.04.2014, 18:39
- 16,487
Кіраўнікі знешнепалітычных ведамстваў Украіны, Расеі, ЗША і Еўразвяза за зачыненымі дзвярыма абмяркоўваюць шляхі выхаду з крызісу.
Перамовы доўжацца ўжо сёмую гадзіну замест планаваных двух.
Паводле стану на 17:30 па менскім часе сустрэча ў Жэневе дзяржсакратара ЗША Джона Кэры, кіраўніка дыпламатыі ЕЗ Кэтрын Эштан і кіраўнікоў МЗС Украіны і Расеі Андрэя Дзешчыцы і Сяргея Лаўрова ўсё яшчэ не скончылася.
Кансультацыі ў фармаце кіраўнікоў знешнепалітычных ведамстваў пачаліся а 12:00 паводле менскага часу. Першапачаткова планавалася, што абмеркаванне крызісу ва Украіне прадоўжыцца блізу дзвюх гадзін, пасля чаго пяройдзе ў рэжым працоўнага ланча.
