Ладуцька: Будуць платныя дарогі ў цэнтры Менска і платныя паркоўкі ў раёнах

Мэр сталіцы Мікалай Ладуцька лічыць неабходным у кожным раёне Менска пабудаваць платныя паркоўкі, а за карыстанне дарогай у цэнтры горада спаганяць плату.

Даручэнне прапрацаваць гэтыя пытанні Ладуцька даў сёння на пасяджэнні камісіі ў забеспячэнні бяспекі дарожнага руху пры Менгарвыканкаме, паведамляе БелТА.

«У 2013 годзе яго насельніцтва павялічылася на 20 тысяч, а аўто стала больш на 15 тысяч. Праз 10 гадоў аўтамабіляў у Менску будзе яшчэ на 100 тысяч больш, і да гэтага трэба рыхтавацца сёння. Кожнаму раёну трэба прапрацаваць пытанне стварэння платных парковак і дарог. Трэба таксама вывучыць пытанне аб тым, як зрабіць платнымі 10 км першага гарадскога транспартнага кальца», - сказаў Мікалай Ладуцька.

Ён даручыў упраўленням юстыцыі і гарадской гаспадаркі і энэргетыкі забяспечыць узгадненне пастановы Менгарвыканкама ў будаўніцтве парковачных месцаў у Менску, якая была аспрэчана пракуратурай сталіцы.

«У Менску патрэбна прынцыпова развязаць пытанне развіцця парковачных месцаў. Працу ў будаўніцтве парковак можна скасаваць, але тады аўтамабілі будуць стаяць на зялёнай зоне», - падкрэсліў Мікалай Ладуцька.