Тэрарыстаў на ўсходзе Украіны фінансуе крыміналітэт Данбаса

За фінансаванне сепаратыстаў адказваюць некалькі крымінальных аўтарытэтаў Данбаса.

Назіраючы за развіццём паслярэвалюцыйных падзей ва Украіне, многія палітыкі, эксперты і аналітыкі ўжо даўно не сумняваюцца ў тым, што буйны бізнес гуляе ў гэтых працэсах не апошнюю ролю. Яго ўплыў на палітычную сітуацыю ў краіне нельга недаацэньваць, бо ён сапраўды вельмі вялікі, піша Цензор.нет.

Але, будучы рэалістам, неабходна разумець, што ўкраінскі алігархічны бамонд у абсалютнай сваёй большасці з'яўляецца выхадцам з крымінальнага свету.

Ні для каго не сакрэт, як пачынаў той жа Рынат Ахметаў ці Юрый Іванюшчанка і іншыя. Сёння ж, кожны з іх па-ранейшаму змагаецца за сферу ўплыву свайго бізнесу не без дапамогі аўтарытэтаў крымінальнага асяроддзя.

Пра тое, што Р. Ахметаў можа фінансаваць дзеянні, так званых, сепаратыстаў на Усходзе нашай краіны нядаўна напісалі шэраг украінскіх СМІ. Знайсці гэтаму пацверджанне нам пакуль не ўдалося, але затое атрымалася займець не менш цікавую інфармацыю з гэтай жа нагоды.

Паводле аператыўных зводак Службы бяспекі Украіны, за фінансаванне сепаратыстаў адказваюць некалькі крымінальных аўтарытэтаў Данбаса. Сярод іх - нас больш за ўсё зацікавіла асоба нейкага Зуева Анатоля Пятровіча па мянушцы Зуй. Ён, без малога, даводзіцца кумам самому Віктару Януковічу.

Зуй даўно верай і праўдай знаходзіцца ў баявым звяне Юры Енакіеўскага. Спецыялізуецца ён на адцісканні вялікага бізнесу. Схема яго працы простая да геніяльнасці - даць мільён даляраў у пазыку пад велізарны адсотак гадавых (не менш за 50%), далей рукамі сілавікоў прыстрашыць пазычальніка і... адабраць бізнес. За гады прэзідэнцтва кума, Зуй быў асабліва паспяховы ў гэтай сферы.

Сярод інтарэсаў А. Зуева - таксама дзейнасць нелегальных капанак, продаж вугалю і нават нафты.

Нельга сказаць, што нечакана, але Зуй апынуўся вельмі блізка знаёмы і з даволі вядомым нам ужо младаалігархам С. Курчанкам. Іх агульныя інтарэсы перасякаліся на нафтабазах і АЗС.

Гэтак жа, не апошнюю ролю ён гуляў у дзейнасці фінансава-прамысловай карпарацыі «DMS» (украінская фінансава-прамысловая група, якая аб'ядноўвае больш за 30 прадпрыемстваў Данецкай вобласці, - рэд.) З дырэктарам карпарацыі Андрэем Алёшам працавалі «на прамую».

Ну і як у кожнага крымінальнага аўтарытэта ў Зуя быў «падмяты» па сябе дом адпачынку - «Данецкі Юрт».

«Дах»

Дах А. Зуеву забяспечвалі вышэйшыя чыны сярод сілавікоў. У МУС ім апякаліся два выхадцы з Данецкай вобласці: В. Пісарэнка, які, пачынаючы з 2013 года, узначальваў Дэпартамент транспартнай міліцыі МУС Украіны (сёння звольнены, - рэд.), а таксама В. Дубавік - першы намеснік В. Захарчанкі.

У СБУ - таксама данецкія: В. Балахонаў, які кіраваў Галоўкам «К» і А. Трафімаў (сярод сваіх - «вырашала», - рэд.).

На сённяшні дзень, А. Зуеў, так як і яго кум, хаваецца ў Расеі. Верагодней за ўсё ён можа знаходзіцца ў Сочы пад апекай членаў армянскай АЗГ. Аддаленасць ад дома не перашкаджае яму даціскаць «недабіты» бізнес. Фінансаванне ж сепаратыстаў і ваенна-палітычных працэсаў на Усходзе адбываецца праз мясцовых сувязных.

З гэтага ўсяго можна зрабіць выснову, што ў самыя складаныя часы алігархі заўсёды ўспамінаюць свае «карані». Бо ў падпольным вядзенні вайны і разборак - крымінальным аўтарытэтам няма роўных. І факт кіравання сёння шматлікімі працэсамі ў нашай краіне менавіта выхадцамі з крымінальнага свету нельга недаацэньваць.

Пра тых, хто яшчэ сярод крымінальных аўтарытэтаў Данбаса, сёння стаіць за спробамі распальвання грамадзянскай вайны ва Украіне, мы раскажам у наступных матэрыялах.