Аляксандра Януковіча абвясцілі ў вышук
6- 18.04.2014, 10:41
- 7,646
Сына былога прэзідэнта Украіны абвінавачваюць у падлогу і падробцы дакументаў.
Служба бяспекі Украіны абвясціла ў вышук сына экс-прэзідэнта Віктара Януковіча Аляксандра. Адпаведная інфармацыя размешчаная на сайце Міністэрства ўнутраных спраў у базе дадзеных вышуку.
Паведамляецца, што Аляксандр Януковіч падазраецца ў здзяйсненні злачынства, прадугледжанага ч.2 арт.366 Крымінальнага кодэкса (службовы падлог, падробка дакументаў, а таксама складанне і выдача загадзя ілжывых дакументаў, якая пацягнула цяжкія наступствы), піша segodnya.ua.
Раней СБУ абвясціла ў вышук Віктара Януковіча па падазрэнні ў здзяйсненні злачынства, прадугледжанага ч. 2 арт. 115 Крымінальнага кодэкса (наўмыснае забойства 2 і больш асоб).