Суд адхіліў пазоў калоніі да ўдзельніцы Pussy Riot

Нарыльскі суд адхіліў пазоў начальніка папраўчай калоніі Мардовіі да ўдзельніцы панк-гурта Pussy Riot Надзеі Талаконнікавай аб абароне гонару і годнасці.

Пра гэта паведаміў эксперт асацыяцыі "Агора" Дамір Гайнутдзінаў, перадае BBC.

Пазоў з-за публікацыі ліста Талаконнікавай, у якім асуджаная распавядала пра рабскую працу ў калоніі, быў пададзены ў лютым. Як гаворыцца ў прэс-рэлізе асацыяцыі, пазоўнік прасіў аспрэчыць дадзеныя заявы, а таксама выплаціць яму 500 тысяч рублёў кампенсацыі маральнай шкоды.

У верасні 2013 года ў адкрытым лісце з калоніі Надзея Талаконнікава падрабязна распавяла пра шматлікія парушэнні ў мардоўскай калоніі.

Фота: РІА «Новости»