У Харкаўскай вобласці ўзброеныя баевікі штурмуюць тэлевышкі
12- 18.04.2014, 15:02
- 27,182
У Харкаўскай вобласці ўзброеныя невядомыя людзі ў масках штурмуюць тэлевышкі ў горадзе Ізюм.
Пра гэта на прэс-канферэнцыі заявіла кіраўнік прэс-службы СБУ Марына Астапенка, перадае mykharkov.info.
«Па апошняй інфармацыі, каля тэлевышкі ў горадзе Ізюм сітуацыя нестабільная і напружаная. Паколькі спачатку тэлевышку захапілі, потым праваахоўнікі яе абясточылі, і ўзброеныя невядомыя асобы сыйшлі адтуль», - заявіла Астапенка.
«Але, на дадзены момант, узброеныя людзі зноў спрабуюць захапіць тэлевышкі. Сітуацыя змяняецца штохвілінна», - паведаміла кіраўнік прэс-службы СБУ.
Чаго хочуць невядомыя асобы са зброяй, і з якой мэтай ажыццяўляюць захоп ізюмскай тэлевышкі - невядома.
Нагадаем, сёння ў Краматорску ўзброеныя сепаратысты зноў захапілі радыётэлевізійную перадавальную станцыю.
Фота: AFP