РПЦ не прызнала акупацыю Крыму

Праваслаўныя цэрквы Крыму і Севастопаля застануцца пад юрысдыкцыяй Украінскай праваслаўнай царквы.

Пра гэта паведаміў старшыня Сінадальнага аддзела Расейскай праваслаўнай царквы (РПЦ) Усевалад Чаплін, піша osp-ua.info.

«Украінская праваслаўная царква з'яўляецца самакіравальнай часткай Маскоўскага патрыярхату. Ніякіх зменаў у тым статусе крымскіх парафій не адбывалася», - цытуе словы Чапліна «МІР 24».

Гэтую інфармацыю пацвердзіў і кіраўнік інфармацыйна-аналітычнага ўпраўлення сінадальнага інфармаддела РПЦ Вахтанг Кіпшыдзэ. Ён падкрэсліў, што УПЦ МП з'яўляецца часткай Маскоўскага патрыярхату, таму «тут нават няма чаго абмяркоўваць».

Пытанне аб будаўніцтве цэркваў таксама працягвае знаходзіцца ў сферы паўнамоцтваў УПЦ Маскоўскага патрыярхату.