Дзяржбанкі РФ рыхтуюцца да санкцый і запасаюцца валютай

Расейскія банкі з дзяржаўным удзелам запасаюцца наяўнай замежнай валютай.

Такую выснову робяць эксперты Райфайзэнбанка паводле інфармацыі абарачальных ведамасцяў банкаў, піша АФН.

Інфармацыя абарачальных ведамасцяў дазваляе вызначыць удзельнікаў рынку, якія абумовілі рэзкі рост замежнай валюты на карэспандэнцкім рахунку ў ЦБ РФ (на $8 млрд, мяркуючы паводле ацэнкі плацежнага балансу за першы квартал 2014 года) і наяўнай валюты, адзначаюць аналітыкі.

Газпромбанк размясціў на карэспандэнцкім рахунку 248 млрд рублёў ($7 млрд), гэта вялікая частка з валютнай ліквіднасці (326 млрд рублёў, або $10 млрд), якая на 31 снежня 2013 года была размешчана на МБК (зыходзячы з справаздачнасці па МСФС). У ВТБ рэшткі замежнай валюты на карэспандэнцкім рахунку апынуліся нязначнымі (усяго 2 млрд рублёў), нягледзячы на высокі абарот на працягу месяца на гэтым рахунку - 1,1 трлн рублёў ($32 млрд), тады як у лютым абарот не перавысіў 1 млрд рублёў. З трох найбуйнейшых банкаў толькі у Ашчадбанка Расеі і рэшткі на валютным карэспандэнцкім рахунку ў ЦБ РФ, і абарот па ім былі нязначнымі.

У сакавіку банкі РФ вывелі валюту з рахункаў у банках-нерэзідэнтах на $21 млрд (на 1 красавіка рэшта - $79 млрд), якая была размешчана часткова на карэспандэнцкім рахунку ў ЦБ РФ і выкарыстана ў аперацыях валютнага свопу з ЦБ РФ.

Але найбольш папулярнай мерай стала купля наяўнай замежнай валюты - у Ашчадбанка, ВТБ і ГПБ яна павялічылася ў сакавіку на $3,2 млрд, $1,6 млрд і $1,6 млрд адпаведна, а агулам па сістэме, паводле ацэнкі аналітыкаў Райфайзэнбанка - на $9,5 млрд.

«Улічваючы існуючую няпэўнасць ва Украіне (як следства, рызыка ўвядзення больш жорсткіх санкцый ЗША/ЕЗ, у тым ліку супраць банкаў РФ), мы не выключаем, што перакідванне сродкаў з банкаў-нерэзідэнтаў працягнецца (павялічваючы адток капіталу, нягледзячы на тое, што фактычна яны вяртаюцца ў РФ)», - гаворыцца ў аглядзе Райфайзэнбанка.