Верталётную пляцоўку Януковіча знясуць
6- 2.04.2014, 10:45
- 22,410
У Вярхоўнай Радзе задумаліся аб зносе верталётнай пляцоўкі былога прэзідэнта Украіны.
Нардэп ад «Батькивщины» Аляксандр Брыгінец звярнуўся ў Генпракуратуру з просьбай праверыць законнасць будаўніцтва «вертадрома Януковіча» на схілах Дняпра, піша moygrad.kiev.ua.
- Я ўжо звяртаўся ў Генпракуратуру з аналагічным зваротам, але зразумела, што і пракуратура, якая працавала ў інтарэсах уласніка - гэта адна справа, а цяперашняя пракуратура гэта зусім іншае. Хоць усім, з самага пачатку было зразумела, што будаўніцтва незаконна. Я перакананы, што пакуль стаіць «ветрадром Януковіча», да таго часу дыктатура Януковіча працягваецца. Таму ўладзе трэба прымусіць уладальніка дэмантаваць незаконную пабудову, - лічыць Брыгінец.
Таксама нардэп патрабуе ад Генпракуратуры прыняць меры пракурорскага рэагавання па зносе прэзідэнцкай верталётнай пляцоўкі на Паркавай дарозе ў Кіеве.
- Бо зямельны ўчастак, які быў прадастаўлены ТАА «Амадэус Ко» рашэннем Кіеўрады ад 2010 года ў доўгатэрміновую арэнду на 25 гадоў для будаўніцтва і абслугоўвання аб'ектаў транспартнай інфраструктуры (вертадрома) на самой справе выкарыстоўваецца не па прызначэнні: у памяшканні размешчаны канцэртна-забаўляльны комплекс. Акрамя таго, будаўніцтва названага аб'екта прывяло да апоўзняў схілаў Дняпра, што вельмі небяспечна, - адзначыў Брыгінец.