«Правы сектар» набірае жаночую сотню
- 2.04.2014, 13:25
- 10,049
Дзяўчаты вучацца страляць, перавязваць раны і жыць у палявых умовах.
Шэрагі «Правага сектара» абнаўляюцца за кошт жаночага кантынгенту. Усе дзяўчаты і жанчыны, без якіх-небудзь узроставых абмежаванняў, могуць запісацца ў жаночую сотню для праходжання медыцынскай і воінскай падрыхтоўкі на выпадак знешняй агрэсіі.
«Ініцыятыва стварыць жаночы атрад з'явілася за межамі «Правага сектара», людзі хочуць дапамагаць і самі прапанавалі ўступіць у нашу арганізацыю. Вядома, што «Правы сектар» дзеліцца на сілавы, палітычны і блок грамадскага руху. Менавіта да яго і далучацца прадстаўніцы слабага полу», - паведаміла «Сегодня» прэс-сакратар «ПС» Юлія Грышчук.
Па словах Юліі, у жаночы атрад ужо запісалася дзесяць чалавек. Добраахвотнікі будуць вучыцца страляць, аказваць медыцынскую дапамогу, асвояць навыкі рукапашнага бою.
Акрамя гэтага, дзяўчат апрануць у камуфляжную форму, навучаць хадзіць строем і правядуць кароткі курс існавання ў палявых умовах.
На пытанне, а з якой зброі навабранцаў будуць вучыць стральбе, журналістам адказалі, што ўсе «ўрокі» будуць праходзіць на макетах.
«На Валыні ў «Правым сектары» ўся зброя легалізаваная, на кожную адзінку маецца афіцыйны дазвол, і мы нават запрашаем усіх жадаючых да нас у штаб, і самастойна ў гэтым пераканацца», - дадала прэс-сакратар.