Круізныя лайнеры адмовіліся заходзіць у парты Крыма
21- 2.04.2014, 15:17
- 34,235
У Крымe сарваны круізны сезон-2014.
Шэраг кампаній прынялі рашэнне адмяніць запланаваныя заходы ў крымскія парты.
У прыватнасці, гаворка ідзе пра адзін з сусветных круізных лідараў Costa Cruises. Лайнер кампаніі Costa Deliziosa не будзе заходзіць у Ялту. Пры гэтым павялічыць стаянку ў Стамбуле і зойдзе ў балгарскі Бургас, перадае ТСН.
Папулярныя круізныя лайнеры Azamara, Oceania Cruises, Regent Seven Seas Cruises, Windstar Cruises і MSC Cruises замянілі Ялту і Севастопаль на парты Турцыі, Румыніі, Грузіі і Балгарыі.
Некаторыя лайнеры павялічаць сваю праграму па партах Грэцыі. Адмяніў усе ўваходы ў Ялту і Севастопаль найбуйнейшы ўкраінскі аператар рачных крызаў "Червона Рута". Тыя аператары, у раскладзе якіх парты Крыма і Адэса запланаваны на сярэдзіну лета і восень - пакуль не прынялі рашэнняў аб адмене.