Дзяржпатрэбнагляд Украіны забракаваў цукеркі і сыр з Расеі
6- 2.04.2014, 15:52
- 10,217
Дзяржпатрэбнагляд Украіны правёў праверкі адпаведнасці расейскіх тавараў патрабаванням закона.
Па выніках праверкі высветлілі, што тавары рэалізуюцца насуперак патрабаванням артыкула 38 Закона Украіны «Аб бяспецы і якасці харчовых прадуктаў», артыкулаў 15, 19 Закона Украіны «Аб абароне правоў спажыўцоў» і палажэннем Тэхнічнага рэгламенту адносна правілаў маркіроўкі харчовых прадуктаў, перадае УНІАН.
У паведамленні адзначаюць, што пачалі праверкі ў сувязі са зваротам старшыні дэпутацкай фракцыі Усеўкраінскае аб'яднанне «Свабода», народнага дэпутата Украіны Алег Цягнібока адносна неадпаведнасці большасці расейскіх тавараў патрабаванням дзеючага заканадаўства Украіны, а таксама масавых парушэнняў правоў спажыўцоў пры іх рэалізацыі.
У прыватнасці, ведамства мае прэтэнзіі да расейскіх вытворцаў цукерак ААТ «Красны Акцябр», ААТ «Кандытарскі канцэрн Бабаеўскі», ААТ «Рот фронт», ЗАТ «Фабрыка «Рускі шакалад», вытворцы плаўленых сыроў ТАА «Лакталіс Істра».
Таксама Дзяржпатрэбнагляд забракаваў вытворцаў рыбы ТАА «Вічунай-Русь» і ТАА «Раскон».
Паводле паведамлення, на сённяшні дзень Дзяржпатрэбнагляд Украіны прымае адпаведныя меры адносна канфіскацыі названай расейскай прадукцыі з гіпермаркетаў асноўных гандлёвых сетак.
«Несумленным прадаўцам і вытворцам варта памятаць пра тое, што правы ўкраінскага спажыўца надзейна абароненыя. Паколькі спажыўцамі з'яўляюцца не толькі дарослае насельніцтва Украіны, але і наша будучыня - нашы дзеці, Дзяржпатрэбнагляд заўсёды аператыўна і востра рэагуе на праблемныя пытанні спажывецкага рынку. А тыя, хто спрабуюць атрымаць прыбытак за кошт здароўя, у тым ліку дзяцей, не толькі абмежаваныя ў маральным плане, а ёсць беспрынцыпныя асобы, што горш за ворага», - падкрэслівае старшыня ведамства Сяргей Арэхаў.
Нагадаем, ва Украіне набірае абароты байкот расейскіх тавараў. Людзі размяшчаюць у сацсетках спіс расейскіх вытворцаў, прапаноўваючы альтэрнатыўныя тавары айчыннай вытворчасці і ўсталёўваюць на свае тэлефоны спецыяльныя праграмы, якія распазнаюць краіну-вытворцу.
