Нацбанк не чакае шосты транш крэдыту ЕўрАзЭС

Нацыянальны банк лічыць малаверагодным вылучэнне АКФ ЕўрАзЭС апошняга траншу стабілізацыйнага крэдыту на суму 440 млн. даляраў.

У снежні 2013 года Антыкрызісны фонд ЕўрАзЭС адклаў на паўгода разгляд пытання аб вылучэнні Беларусі шостага траншу крэдыту. У выпадку станоўчага рашэння грошы павінны былі паступіць у краіну да канца бягучага года, піша "Інтэрфакс".

"Малаверагодна, што мы зможам прыцягнуць гэтыя грошы. Вядома, знешняе недарагое фінансаванне нам трэба, але нельга сказаць, што гэтая адмова будзе крытычнай для нас", - сказаў сёння першы намеснік старшыні Нацбанка Тарас Надольны.

Перанос тэрмінаў вылучэння траншу абумоўлены невыкананнем Беларуссю цэлага шэрагу сваіх абавязацельстваў перад АКФ ЕўрАзЭС.