Больш тысячы байцоў «Беркута» ўцяклі са зброяй
22- 2.04.2014, 17:35
- 22,169
Пасля рэвалюцыі больш тысячы байцоў спецпадраздзялення МУС «Беркут» зніклі ў невядомым кірунку са зброяй.
Пра гэта былы кіраўнік МУС Украіны Юрый Луцэнка сказаў на пасяджэнні круглага стала, які праходзіў у рамках праекта «Усход+Захад», паведамляе УНІАН.
«Вы ведаеце, што з пяці тысяч «Беркута» больш тысячы сышлі са зброяй у невядомае месца», - сказаў Луцэнка. Ён лічыць правільным рашэнне міністра ўнутраных спраў Арсэна Авакава ліквідаваць спецпадраздзяленне. Таксама, на думку Луцэнкі, неабходна расфармаваць і прыцягнуць да адказнасці байцоў спецпадраздзялення ўнутраных войскаў МУС «Амега», якія стралялі ў людзей на Майдане.
Паводле яго слоў, на базе гэтых двух падраздзяленняў павінна быць створана сілавое спецпадраздзяленне, якое будуць задзейнічаць для процідзеяння антыдзяржаўным акцыям.