У польскім горадзе ўвекавечаць злачынствы СССР

«Плошчу савецкіх злачынстваў» адкрыюць у Ольштыне.

Ініцыятары яе стварэння хочуць, каб пры перабудове плошчы Ксаверыя Дунікоўскага ў цэнтры горада, на месцы помніка байцам Савецкай арміі, было створана адмысловае месца, прысвечанае злачынствам камуністычнага рэжыму, піша NewsBalt.

Было прапанавана распрацаваць праект перабудовы плошчы, які б даў прадстаўленне «аб сапраўдным характары дзейнасці Чырвонай арміі падчас вызвалення Польшчы».

У Ольштыне неаднаразова рабіліся спробы прыбраць з цэнтра горада савецкі манумент, які ольштынцы пагардліва называюць «шыбеніцай». Але гэтым ініцыятывам перашкаджае заканадаўства.