У цэнтры Горлаўкі расстралялі двух чалавек
9- 22.04.2014, 13:00
- 20,247
Інцыдэнт адбыўся сёння ноччу ў цэнтры горада ў Данецкай вобласці.
Двух мясцовых жыхароў расстралялі з пісталета ТТ у кафэ «Барселона». У забойстве падазраецца таварыш, які адпачываў у іх кампаніі, пакінуў зброю на месцы злачынства і схаваўся ў невядомым кірунку, паведамляе мясцовы сайт Gorlovka.ua.
Як распавяла прэс-сакратар Горлаўскага ГУ Ала Баравая, паведамленне з гарлякарні ў міліцыю паступіла каля гадзіны ночы. Як высветлілася, у кафэ адпачывала мужчынская кампанія і ў раёне паўночы завязалася сварка. Яе вынікам стала стральба з пісталета ТТ і забойства двух грамадзян, 1985 і 1976 гадоў нараджэння.
Супрацоўнікі міліцыі высветлілі асобу стралка, зараз ён аб'яўлены ў вышук.
Нагадаем, тыдзень таму каля 150 сепаратыстаў з боем захапілі аддзяленне міліцыі ў Горлаўцы Данецкай вобласці. Баевікі таксама перакрылі праспект Леніна, спыніўшы рух. Больш гадзіны яны штурмавалі будынак, міліцыя абаранялася. Увайшоўшы ў будынак сепаратысты ламалі мэблю і разбуралі абсталяванне. Выкрадзеную зброю баевікі раздалі сваім прыхільнікам.