У сталіцах краін ЕЗ актывізаваліся расейскія шпіёны

Брусэль, Лондан, Прага і Браціслава заяўляюць пра рост колькасці шпіёнаў з РФ.

Бельгійская контрвыведка адзначае, што колькасць расейскіх шпіёнаў у Брусэлі значна перавысіла іх колькасць у часы халоднай вайны. Бельгійцы таксама неаднаразова заяўлялі пра неабходнасць больш цеснай каардынацыі контрвыведніцкіх мерапрыемстваў у сувязі з падвышанай актыўнасцю расейцаў, піша ваенны партал Defense24.pl (пераклад - charter97.org).

Неспакой выказалі таксама брытанскія спецслужбы, якія апрацавалі вельмі шырокі спецыяльны даклад для парламенцкай камісіі па назіранні за працай спецслужбаў на тэму расейскіх аперацый у Лондане. Асаблівая ўвага была звернутая на эканамічны аспект - легалізацыю грашовых сродкаў, а таксама на размяшчэнне кампаній, якія працуюць на карысць расейскай выведкі ў Лондане і на еўрапейскім рынку - перш за ўсё ў галіне кансалтынгу і энергетыкі.

Інакш выглядае сітуацыя ў Чэхіі і Славакіі, дзе расейскія спецслужбы заўсёды адчувалі сябе вельмі свабодна. Сітуацыя ў апошнія гады не змянілася. Ступень расейскага пранікнення ў палітычнае і эканамічнае жыццё тут нашмат вышэй цэнтральнаэўрапейскай нормы, калі пра такую можна казаць.