Цыганскія пагромы ў Славянску: баевікі ўрываюцца ў дамы і рабуюць людзей
19- 23.04.2014, 9:38
- 29,642
Узброеныя сепаратысты выносяць з дамоў маёмасць, сцвярджаючы, што змагаюцца са злачыннасцю.
У Славянску (Данецкая вобласць) зноў рабуюць жыллё цыган. Як паведамляюць «Новости Донбасса», у адным з дамоў злачынцы спрабавалі прастрэліць дзвярны замок. Пасля стрэлу куля зрыкашэціла і трапіла ў нагу сепаратыстамі.
Нагадаем, у ноч на 19 красавіка ўзброеныя сепаратысты ўжо рабавалі дамы ромаў у Славянску. Свае дзеянні яны тлумачылі барацьбой з гандлем наркотыкамі. Сепаратысты сцвярджаюць, што яны дзейнічаюць па ўказанні самаабвешчанага «мэра» Вячаслава Панамарова.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.
У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.